F.v.: Synnøve Åsebø og Mona Grivi Norman i VG, jublande Dagbladet-redaksjon og Dagens Næringsliv-journalistane Gøran Skaalmo og Trond Sundnes.Ketil Bjærke / NTB scanpix, Gard Michalsen og Bjørn Grimstad / SCANPIX
Kva mediehus har flest prisar? Sjå den store SKUP-tabellen her
Narvik-avisa Fremover har like mange SKUP-prisar som TV 2. Men kven har flest i landet?
Ein gjennomgang av alle SKUP-pris-utdelingane sidan 1991 viser at Dagens Næringsliv har henta heim det uoffisielle noregsmeisterskapen i journalistikk flest ganger.
Heile sju gonger har avisa vunne SKUP-prisen, og bak alle prisane står anten Knut Gjernes, Gøran Skaalmo og Kjetil Sæter – med tre prisar kvar – oppført på laget.
Sjå tabellen nederst i saka.
– Resultat av satsing
Medier24 har ikkje rekna med alle diplomvinnarane, då me ikkje har lykkast i å oppdrive ein fullstendig oversikt som strekk seg lenger tilbake enn til 1999.
– Eg er klar over at me er dei som har flest prisar på 2000-talet, og at me låg høgt oppe, seier sjefredaktør i Dagens Næringsliv, Amund Djuve.
– Det er jo eit resultat av ei satsing på den type journalistikk i veldig mange år. For oss er det viktig å innimellom ha saker som bryt gjennom lydmuren, for å markere oss som ei brei næringslivsavis som er interessant for langt fleire enn dei ein tenker er våre kjernelesarar, legg han til.
Vidare seier Djuve:
– Då er det naudsynt med denne type saker, som gjer at me er framme i hovudet hos den allmennlege samfunnsengasjerte. Difor har me i alle år prioritert den type journalistikk.
Intern kniving i DN
Ei oppteljing Medier24 har gjort viser at dei rutinerte DN-journalistane Knut Gjernes og Gøran Skaalmo har heile tre prisar og fem diplomar kvar.
– Årets pris var jo den første SKUP-prisen i Dagens Næringsliv utan at enten Gjernes eller Skaalmo er med på teamet. Ein av dei har jo vore med på alle dei fem tidlegare, seier Djuve.
Når Medier24 forsøker å nå journalist Gøran Skaalmo tysdag tek det først eit par timar. Og nesten like mange oppringingar.
– Det tek på å jakte SKUP-prisar heile tida, seier Skaalmo lattermildt når Medier24 når han tysdag ettermiddag.
Han stadfestar at det er litt internkonkurranse i DN-redaksjonen.
– Ja, no har eg hatt Gjernes etter meg i årevis. Han gir seg ikkje, sjølv om me ligg likt. Men det er veldig vennskapeleg. Me er jo eigentleg på same lag – sjølv om me to har aldri vunne sjølve prisen saman, seier Skaalmo, og legg til:
– Og no er det komen ei ungdomsrekkje med skarpe karar som Kjetil Sæter og Markus Tobiassen etter oss. Sæter har òg tre prisar, og er ein mann å sjå opp for.
– NRK burde vunne fleire prisar
Dagens Næringsliv vant SKUP-prisen 2010 for avsløringa av kameraderi i forsvaret. Vinnarteamet bestod av Gøran Skaalmo og Trond Sundnes.Bjørn Grimstad / SCANPIX
No håpar sjefen deira at Skaalmo og Gjernes slår tilbake med storeslem igjen.
– Eg håper Gøran og Knut kjem tilbake med kjempegode saker altså, men det var eit lite skifte no med to nye, seier Djuve til Medier24.
Skaalmo tykkjer det er eit godt teikn at eit DN-gjeng utan han eller Gjernes med på laget òg kan vinne SKUP-prisen.
– Det skulle berre mangle. No byrjar det å likne på ein kultur og det krev at andre kjem etter og byrjar å utfordre oss. Det er veldig bra, seier han.
Sjefredaktør i Dagens Næringsliv, Amund Djuve.Gard L. Michalsen
– Den største av dei alle, NRK, står med «berre» fem – utan ein einaste pris sidan 2008. Kva seier du til det?
– NRK, med sin Brennpunkt-redaksjon, og ressursar, burde vinne fleire prisar. Me ser att Uppdrag Granskning i Sverige leverer bra journalistikk som vinn prisar, seier han.
– Me er ikkje Johaug eller Bjørgen
I Dagbladet vant dei tre på rappen i 2013, 2014 og 2015 – over 20 år etter deira første ved Arne O. Holm i 1992.
Gravesjef i avisa, Siri Gedde-Dahl, er klar for å ta opp kampen med dei største SKUP-vinnarane.
Gravesjef i Dagbladet, Siri Gedde-Dahl.Erik Waatland
– Me skal sjølvsagt gjere vårt beste, men me er ikkje Therese Johaug eller Marit Bjørgen – og det er ikkje VG eller DN heller. Det vil variere over tid, seier ho.
Den prislønte gravejournalisten er no leiar for graveavdelinga i Dagbladet, kor det til ein kvar tid er eit fast team, og består no av fire journalistar i tillegg til Gedde-Dahl.
Sjefredaktør Alexandra Beverfjord i Dagbladet.Erik Waatland
– Ei rekkje satsingar med fotavtrykk
Sjefredaktør i avisa, Alexandra Beverfjord, fortel at Dagbladet legg ned store ressursar på gravejournalistikk.
– Overordna er Dagbladet ein av Norges mest prisvinnande redaksjonar innanfor historieforteljing og avslørande journalistikk. Me bruker betydelege ressursar på både feature og rein gravejournalistikk. Det siste året har me hatt ei rekkje satsingar som har gitt fotavtrykk, seier ho.
Beverfjord ramsar opp mellom andre følgjande saker frå det siste året:
– Me køyrer kontinuerleg svære avsløringar. Både SKUP og internasjonale prisar og utmerkelsar er noko me set stor pris på. Det er viktige anerkjennelsar for hardt arbeid, men det viktigaste innanfor gravejournalistikken er å setje lys på saker med stor samfunnsmessig betydning. Det er det me definerer som kjernen i oppdraget vårt, seier Beverfjord.
Dagbladet fekk Internasjonal Reporter-prisen for «Krabbekrigens ofre».
SKUP-tabellen:
Dagens Næringsliv (7)
2018: Markus Tobiassen og Kjetil Sæter
2017: Kjetil Sæter, Knut Gjernes, Lars Kristian Solem og Fredrik Solstad
2012: Lars Backe Madsen, Knut Gjernes, Stig Tore Laugen og Mikaela Berg
2011: Gøran Skaalmo og Kjetil Sæter
2009: Gøran Skaalmo og Trond Sundnes
2001: Eskil Engdal, Knut Gjernes og Erik Tumyr
1997: Gøran Skaalmo, Ingun Spetalen, Knut B. Steen og Jarle Aabø
VG (6)
2016: Synnøve Åsebø og Mona Grivi Norman
2003: Rolf J. Widerøe og Tor Strand
2001: Trond Sundnes
1998: Alexander Øystå og Lars-Erik Nygaard
1998: Kjetil Stormark
1995: Helje Solberg
NRK (5)
2008: Synnøve Bakke og Kjersti Knudssøn
2006: Tormod Strand
2005: Synnøve Bakke og Kjersti Knudssøn
2004: Svein Bæren og Rune Ytreberg
1993: Per Anders Johansen
Dagbladet (4)
2015: Anders Fjellberg og Tom W. Christensen
2014: Kristoffer Egeberg
2013: Espen Sandli, Linn Kongsli Hillestad, Ola Strømman
1992: Arne O. Holm
Aftenposten (4)
2005: Siri Gedde-Dahl, Anne Hafstad og Alf Endre Magnussen
2000: Anne Hafstad
1999: Pål Enghaug, Wenche Harbo, John Hultgren og Alf Endre Magnussen
1991: Harald Stanghelle
Bergens Tidende (2)
2013: Ingunn Røren, Ingrid Fredriksen, Anne Hovden
1996: Trond Nygard-Sture
TV 2 (1)
2010: Steinar Figved, Robin Idland Krüger og Asbjørn Øyhovden
