Stiftelsen Tinius blar opp 200 mill. og kjøper seg opp i Schibsted

Tinius aukar eigardelen sin, medan avtroppande finansdirektør Trond Berger sel aksjar for 5,7 millionar kroner.

Ole Alexander Saue

Publisert 06.06.2019 - 19:42

Denne artikkelen er over to år gammel.

Stiftelsen Tinius har kjøpt seg opp frå 23,7 prosent til ein eigardel på 24,1 prosent.

Via Blommenholm Industrier kjøper dei 920.000 B-aksjar for til saman 200,5 millionar kroner til ein kurs på rundt 218 kroner, kjem det fram i ei børsmelding torsdag kveld.

Redaksjonelt sjølvstende

Stiftelsen Tinius og Blommenholm Industrier er leia av administrerande direktør Kjersti Løken Stavrum. Ole Jacob Sunde er styreleiar i både Tinius og Schibsted.

Styreleiar i Schibsted, Ole Jacob Sunde. Her i samtale me finansdirektør Trond Berger.

Tinius-stiftinga vart skipa av tidlegare Schibsted-eigar og Aftenposten-sjef Tinius Nagell-Erichsen i 1996, for å sikre redaksjonelt sjølvstende og langsiktig eigarskap av Schibsted.

Trond Berger cashar inn

Samstundes sel avtroppande finansdirektør, Trond Berger, 24.740 B-aksjar til ein verdi av 5,7 millionar kroner til ein kurs på om lag 230 kroner, skriv Schibsted i ei børsmelding.

Berger sit no igjen med 4.425 A-aksjar og 15.557 B-aksjar verd til saman 4,7 millionar kroner, fordelt privat og via sitt investeringsselskap Trobe Invest.

I mars vart det kjent at Ragnar Kårhus blir ny finansdirektør i Schibsted etter Berger, som går av 1. september i år.