Partileder i Venstre Trine Skei Grande taler til landsstyremøtet i Venstre på Scandic Helsfyr i Oslo.

Håkon Mosvold Larsen / NTB scanpix

Mediemeldinga blir presentert på LLA og lokalavisenes landsmøte

– Vi er stolte over at kulturministeren legg fram mediemeldinga på LLAs landsmøte, seier styreleiar Tomas Bruvik i LLA.

Ole Alexander Saue

Publisert 26.03.2019 - 13:22

Denne artikkelen er over to år gammel.

Fredag samlar over 200 lokalavisjournalistar seg for Landslaget for lokalaviser (LLA) sitt landsmøte i Drammen.

Som Medier24 erfarte før helga, vil kulturminister Trine Skei Grande (Venstre) leggja fram regjeringas mediestøttemelding under årsmøtet til LLA.

– Vi er stolte over at kulturministeren legg fram mediemeldinga på LLAs landsmøte. Vi har venta i spenning i to år på denne meldinga som er svært viktig for framtida også til lokalavisene i Norge. Det er knalltøffe tider for mange av avisene. Dei står midt i ei digital omstilling og vi håpar sjølvsagt at kulturministeren har med seg gode nyhende til lokalavisene, seier LLA-styreleiar Tomas Bruvik i ei pressemelding.

Han legg til:

– At kulturminister Trine Skei Grande vel å presentera mediemeldinga hos oss tek vi også som eit signal på at statsråden bryr seg om og har respekt for den jobben lokalavisene gjer.