Rekordhøg SKUP-påmelding: Desse deltek på gravekonferansen

Opp frå 628 deltakarar i fjor er det i 2019 venta 671 deltakarar til SKUP-konferansen på Quality Hotel Tønsberg. Det er høgaste det høgaste deltakar talet noko sinne.

– Me ser ei betydeleg auka interesse for undersøkjande journalistikk i norske medier. Me ser at kvaliteten vert høgare og høgare for kvart år. Om ein studerer metoderapportane som er lagt fram, finn ein mykje nyskapande metodikk, seier dagleg leiar John Bones i SKUP.

VG-debatt

Årets program består av tre kategoriar: datajournalistikk, «slik gjorde vi det», medan resten er ei blanding av ulike tema.

På årets Skup skal Dagens Næringsliv fortelje om si Tidal-avsløring, NRK skal fortelje om «Jakten på klimaendringene», og Lina Makboul frå svenske Uppdrag granskning skal fortelje om korleis store delar av den svenske metoo-journalistikken mangla grunnleggjande faktasjekk.

I tillegg er det ei rekkje kurs og føredrag om journalistisk metode.

– Me forsøkjer å vere mest mogleg aktuelle, legg han til.

Og kva er det som er mest aktuelt om dagen? Sjølvsagt den pågåande diskusjonen om VGs dekning av den famøse dansevideoen av Trond Giske på Bar Vulkan i februar.

– Akkurat no jobbar me med ein debatt om VG, TV 2 og Trond Giske, men me er ikkje heilt i mål enno, seier han.

Fredag vart alle 44 innsende metoderapportane offentleggjort på SKUP sine heimesider. Dei kan du lese her.

Det er ikkje meir enn ein dryg månad sidan tidlegare SKUP-leiar Jan Heftøy vart tiltalt for grovt underslag. Statsadvokaten meiner tidlegare sekretariatsleiar Jens Egil Heftøy har gjort seg skuldig i grovt underslag for opp mot 200.000 kroner, og tok i februar ut tiltale.

– SKUP set pris på at saka går mot ei avslutning, seier Bones om saka. Meir ynskjer ikkje han å seie om den pågåande saka mot hans forgjengar.

Tryggleikstiltak

Som tidlegare år har dei òg sett i verk fleire tryggleikstiltak for deltakarane.

– Me har eit nært samarbeid med ulike deler av politiet. Dei gjer det dei kan for å sjekke tryggleiken rundt arrangementet, og så vil me ha dørvaktar til stades. Ingen slepp inn utan ID rundt halsen, seier Bones.

– Elles lener me oss i stor grad mot politiets vurderingar, seier han.

Heidundrande inhabil meiner Bones at SKUP er eit viktig bidrag til undersøkjande journalistikk i norsk presse.

– No har SKUP eksistert sidan 1990, og eg trur den samla verknaden av mine forgjengarar sitt arbeid fører til at SKUP er noko ein må på dersom ein vil følgje med på det som skjer innanfor undersøkjande journalistikk. Og så veit me at SKUP-prisen heng svært høgt, seier han.