Reidar Kjæstad er ny nyheitsredaktør i Gudbrandsdølen Dagningen

Byrjar i jobben over nyttår.

Ole Alexander Saue

Publisert 19.12.2019 - 21:34

Denne artikkelen er over to år gammel.

Det er Gudbrandsdølen Dagningen som sjølv melder at Reidar Kjæstad blir avisa sin nye nyheitsredaktør.

– Etter 12 år med hovudsakeleg radiosendingar i NRK Oppland og Hedmark kjende eg eit behov for å gjere noko anna. Eg ynskja å koma tettare på det lokale. Ei ledig stilling som sportsleiar i GD opna døra, seier Kjæstad om overgangen frå NRK til GD i sommar.

– Eg tykkjer det blir artig å jobbe endå tettare med å få avisa i den retninga eg ynskjer, seier Kjæstad.

Fersk administrerande direktør og sjefredaktør Tom Martin Kj. Hartviksen er nøgd med tilsetjinga.

– Etter ein god prosess fall valet på Reidar. Han har personlege eigenskapar som passar i denne stillinga. Han kjenner både Lillehammer og Gudbrandsdalen godt, og har solid forståing av presseetikken og dei utfordringane og moglegheitene GD står i, seier han til eiga avis.