Slik såg saka ut på NRK-fronten. Espen Olsen Langfeldt er redaktør i NRK Direkte.

NRK avpubliserte artikkel med faktafeil etter klage frå departement

– Fleire konkrete feil, seier Arbeids- og sosialdepartementet. NRK svarte med å avpublisere i fleire timar, før dei publiserte på nytt med fleire endringar.

Publisert

Denne artikkelen er over to år gammel.

Fredag morgon publiserte NRK artikkelen «Patrick (17) er ufør etter blind vold: Kan tape 60.000 på statsbudsjettet», som handla om at regjeringa går inn for å kutta i minstesatsen i arbeidsavklaringspengar (AAP) for unge.

Saka beskriv ein ung gut som har vore sengeliggande i tre år etter blind vald, og som vil bli råka av regjeringa sitt kutt på 60.000 kroner i AAP til unge. NRK hadde intervjua mora til guten, Veronicka Ruud, som òg er lokalpolitikar for SV på Askøy.

Deretter vart artikkelen sletta, og publisert på nytt fredag kveld. Øvst i saka står no denne rettinga:

«NRK publiserte denne saken fredag morgen, men den ble midlertidig avpublisert da vi ble gjort oppmerksom på feilaktige opplysninger, hvor AAP-ordningen og sykelønnsordningen ble blandet sammen. NRK har nå oppdatert artikkelen med nye opplysninger.» 

Etter klage frå Arbeids- og sosialdepartementet har statsråd Anniken Hauglie i den nye versjonen fått høve til å kommentera kritikken som vart retta. I tillegg er avsnitta med feilkoplinga til sjukelønsordninga er fjerna.

 

– Grunnlag for å gjennomgå saka

I ein sms til Medier24 fredag ettermiddag skreiv redaktør i NRK Direkte, Espen Olsen Langfeldt:

«Saken er avpublisert midlertidig da vi ble gjort oppmerksomme på faktafeil. Denne saken vil bli publisert igjen med tydelig markering på hva som er endret i saken. Vi valgte å avpublisere midlertid for å forhindre spredning av feilaktige opplysninger.»

 

Langfeldt Olsen hadde lite å føya til då Medier24 slo på tråden i 15-tida, men sa at dei då stadig jobba med å finna ut kva som var feil.

– Men sidan de slettar saka på grunnlag av ein faktafeil så må de vita kva som var feil?

– Det var grunnlag for å gå gjennom saka og finne ut kva som var feil.

– Må de beklaga?

– Nei, det kan eg ikkje sjå.

 

Trons Rasmussen i Arbeids- og sosialdepartementet.

NRK fekk beskjed av departement

Kommunikasjonsrådgjevar Trond Rasmussen iArbeids- og sosialdepartementet stadfestar at det var dei som gjorde NRK merksame på feilen.

I ein sms til Medier24 skriv han:

«Vi har gjort NRK oppmerksomme på at artikkelen inneholder flere konkrete feil. Det sa NRK seg enig i, og redaksjonen valgte å trekke den. En viktig forutsetning for å kunne ha en god og ryddig debatt om saker, er at de fremstilles korrekt. Politisk ledelse ble heller ikke gitt tilsvar i saken. Det har NRK sagt seg enig i at de burde ha fått. Vi anser oss ferdig med denne saken nå.»

 

– Blant årsakene

– Arbeids- og sosialdepartementet seier at dei varsla dykk om feil i saka. Er det riktig, og var det utslagsgivande for at de tok saka ned?

– Innvendingane frå dei var blant årsakene til at me måtte gå gjennom saka ytterlegare. Og så må desse innvendingane undersøkast, seier Olsen Langfeldt i NRK.

Det var torsdag at VG avslørte regjeringa sitt kuttforslag.

I NRK-artikkelen som ikkje lenger er å oppdriva, står det mellom anna:

«I mai i år fikk han diagnosen ME som følge av volden. Når han til neste år blir 18 år starter kampen for å få en sikker nok økonomi til å kunne bo for seg selv.»

Vidare står det:

«– Patrick ble syk som så ung, så har han ikke mulighet til å tjene seg opp noe. Han vil aldri ha muligheten til å flytte ut fra oss med en slik inntekt, sier moren.»

 

Powered by Labrador CMS