Dags­nytt 18 vart flytta til NRK1. Det gav massiv sjåar­vekst

Då koronakrisa for alvor sette sitt preg på Norge førre veke bestemte NRK seg for å senda alt av koronanytt på NRK.

Dermed vart radio- og tv-debattprogrammet Dagsnytt 18 flytta frå NRK2 til NRK1. No har programmet meir enn dobla sjåartalet.

Det nye leirbålet

Det er programleiar Espen Aas nøgd med.

– Korleis er overgangen til NRK1? Har de blitt leirbålet?

– Me føler jo litt det. Me merkar det på responsen og kva som kjem av meldingar og spørsmål. Me har blitt flytta til NRK1 før, men då har ikkje effekten vore like stor. No har det skjedd noko – og folk samlar seg og får med seg mest mogleg informasjon.

Onsdag førre veke var første sending på NRK1, og bortsett frå torsdagen, har de halde seg på hovudkanalen.

Det har gitt eit gjennomsnittleg sjåartal på 294.000. På NRK2 er snittet 136.000.

– Alt er litt annleis, både praktisk – med kortare morgonmøte og færre gjester – men også reint journalistisk er tematikken avgrensa, og ein må tenkja nytt kvar dag, seier Aas, og legg til:

– Kva lurer folk på? Me må fornya oss. Me kan ikkje berre ha Bent Høie og helsedirektøren i studio kvar dag. Me må finna litt andre variantar, som folk tykkjer er interessant.

– Folk tyr til store skjermar under kriser

NRK sin redaktør for direktelinja, Espen Olsen-Langfeldt, fortel at Dagsnytt18 vart flytta til hovudkanalen fordi dei skal ha ei løpande dekning av situasjonen der frå 06:30 til Dagsrevyen.

– Tilbakemeldingane er veldig bra. Me har sjåartal me ikkje har vore i nærleiken av, seier Olsen Langfeldt til Medier24.

– Vender folk tilbake til gamle medievanar i desse tider?

– Det ser litt slik ut. Om ein skrur klokka litt tilbake, ser ein at folk tyr til store skjermar under kriser. Og så merkar me at mange folk er heime.

Enorm TV 2-vekst

Også TV 2 opplever stor vekst i sjåartala sine. Dei har i snitt hatt 384.000 sjåarar på 18:30-nyheitene, opplyser pressesjef Jan-Petter Dahl overfor Medier24.

Sjefredaktør og administrerande direktør Olav T. Sandnes er nøgd med interessa for innhaldet deira.

– Dette harkrevjande krevande veke for Norge, og for TV 2. Eg kan ikkje få fullrost den heilprofesjonelle nyheitsredaksjonen vår nok, sportsgjengen som kastar seg rundt og produserer suverent innhald, sjølv utan at det vert spelt ein einaste fotballkamp, og programavdelinga som på rekordtSamank «Sammen» på lufta, seier han.

TV 2 Nyhetskanalen har dei siste sju dagane hatt si høgaste dekning og høgaste sjåartid blant sjåarane nokosinne. Førre torsdag sette kanalen andelsrekord i den kommersielle målgruppa 20-49 år, og i snitt har 789.000 sjåarar vore innom kanalen dagleg sist veke. På TV 2 Sumo har TV 2 Nyhetskanalen auka sjåinga med 300 prosent dei siste dagane.