Jon Hustad mener Dagbladet trør feil i en sak om strømpriser.
Jon Hustad mener Dagbladet trør feil i en sak om strømpriser.

DEBATT:

Etisk overtramp av Dagbladet

«Dagbladets journalist burde ha fortalt kvinna at ho hadde råd til eit betre liv og halda henne ute av avisa. I staden vann klikkhoreriet igjen.», skriv Jon Hustad.

Publisert Sist oppdatert

«Fryser for å spare: – Katastrofe

Med en smertegrense på 1000 kroner i måneden til å betale strømregninga, forbereder (NN, Dagbladet oppgjev fullt namn red. merk.) seg på en dyr vinter i anmarsj. – Jeg frykter mest kulda, sier hun fra sofaen i stua – uten en eneste tent lampe.»

Slik startar ein reportasje på dagbladet.no. «Caset» Dagbladet har funne fram til, skal illustrera kor ille det er med dei høge straumprisane. Ja, det er ille med høge straumprisar for ein god del, men Dagbladet manglar etisk magemål. Dei burde vita betre enn å nytta denne kvinna.

For kva kan vi lesa? At den no uføre kvinna har hatt stilling som sjukepleiar i Noreg i 30 år. Ho har altså full uføredekking. Vidare står det i reportasjen at husværet ho bur i er nedbetalt. Likevel skriv journalisten: «Inntil videre har hun T-skjorte på, men rett innenfor døra henger to varme fleecejakker, som er klare for en kaldere årstid. Ved siden av henger enda tykkere vinterjakker. De håper hun å ikke måtte bruke for å kunne sove godt på natta.

(…) I dag sitter hun alene i mørket og gruer seg til den kommende tida – hvor strømprisene er forventet å stige til himmels.»

Ja, Dagbladet kan til og med fortelja at kvinna går på do utan å slå på lyset der. Kor mykje straum nytta ho i september? «I september viste regninga et forbruk på 139 kilowatt, noe hun selv sier ikke er det meste hun har brukt, men igjen så avhenger jo størrelsen på regninga av hvordan prisene på strøm blir i tida framover.»

Ho har altså nytta rundt 300 kroner på straum i ein månad med prisrekord. Dagbladet undrar seg heller ikkje kvifor ho ikkje har på lys. Tre LED-lyspærer som står på 16 timar i døgeret, vert 5 kWh, eller rundt 10 kroner med dagens prisnivå.

Eit kjapt søk på skattelistene kunne ha fortalt Dagbladet at kvinna har over 400 000 i inntekt og ei formue på vel 1, 5 millionar. Kvifor ei kvinne som får utbetalt minst 25 000 i månaden, har nedbetalt husvære, formue og grei levestandar, ikkje skal ha råd til tre lyspærer som kostar 10 kroner å nytta i månaden, bryr Dagbladet seg ikkje om å finna ut.

Saka er både ein konstruksjon og etisk lågmål.

———————————————-

Dette er et debattinnlegg, og gir uttrykk for skribentens mening. Har du lyst til å skrive i Medier24? Send ditt innlegg til [email protected].

Powered by Labrador CMS