Utviklingsredaktør Cornelia Kristiansen i Morgenbladet under Dagbladet si 150-årsmarkering 19. januar i fjor. Ho var tidlegare sosiale medium-sjef i avisa.

Erik Waatland

Utviklingsredaktør Cornelia Kristiansen sluttar i Morgenbladet

Gir seg etter under to år i avisa. – Vanskeleg å halda fram utan å gå på akkord med meg sjølv, seier Cornelia Kristiansen til Medier24.

Ole Alexander Saue

Publisert 03.01.2020 - 15:12

Denne artikkelen er over to år gammel.

Utviklingsredaktør Cornelia Kristiansen er ferdig i Morgenbladet, får Medier24 stadfesta.

Ho har vore i Morgenbladet sidan juli 2018, og hadde siste arbeidsdag 20. desember.

«Jeg slutter fordi det hadde vært vanskelig å fortsette uten å gå på akkord med meg selv eller arbeidet jeg var satt til å gjøre», skriv Kristiansen i ein sms til Medier24.

På spørsmål om kvifor ho sluttar, om det har rot i konflikten i haust og kva ho tenkjer om stormen rundt Anna B. Jenssen, skriv ho:

«Anna gjorde selvsagt noen feil og det har hun også sagt internt. Resten av redaksjonen opplevde situasjonen som svært alvorlig og tok grep de mente var nødvendige, det har alle som har fulgt med fått med seg. Men jeg opplevde en del av kritikken som urimelig og uproporsjonal, og for en som har jobbet med klubbarbeid i en avis tidligere, har framgangsmåten overrasket meg. Det har vært et lærerikt år.»

Ho har ny jobb å gå til, men ynskjer ikkje å seia kva jobb ho har fått.

«Det ser jeg fram til», skriv Kristiansen vidare.