Dette er dramatisk verdshistorie, men det er også norsk og vestlandsk historie. Her har journalisten henta fram noko djupt privat for å fortelja ei viktig og personleg historie. Ei svært vond historie. Og ho er verkeleg godt fortalt.
Dette er journalistikk i stort format, både i innhald og omfang.
Omfattande graving og dokumentasjon avslører korleis norske myndigheiter bidrog til at norske reiarar til å segla under krigen mellom Iran og Irak, medan andre nasjonar let vera. Norske reiarar vart rike på praksisen, og boka viser kven som betalte den fatale prisen. Ved hjelp av detaljert kjeldearbeid kan journalisten fortelja levande frå både dramatiske hendingar og kvardagsliv.
Dette er vorte historia til dei moderne norske krigsseglarane.
Juryen er imponert over at ein som mista far sin i «The Tanker Wars» er den som har skapt dette slåande verket, og han har gjort det på eiga hand. Dette er journalistikk drive av hjarta og det er umogleg ikkje å verta gripen på vegen.
