Aftenpostens Joacim Lund skreiv kritisk kommentar om DNs Tidal-avsløringar. Så sletta avisa heile artikkelen

«Har hun virkelig lurt alle sammen?» var tittelen på kommentaren til Aftenposten-kommentator Joacim Lund måndag, ei dryg veke etter at Dagens Næringsliv-journalistane Markus Tobiassen og Kjetil Sæter vann SKUP-prisen for sine avsløringar i «Strømmekuppet».

Med «hun» referer han til Beyoncé, som ifølgje Dagens Næringsliv sine avsløringar har fått sine lyttartal manipulert på musikkstrøymetenesta Tidal, som er eigd av artistane Beyoncé og hennar ektemann Jay-Z.

«Gratulerer med SKUP-prisen, DN! Men er dere helt sikre på at saken deres holder vann?», skreiv Lund vidare. I artikkelen er han kritisk til at DN-artiklane ikkje avdekkjer juks, «simpelthen fordi det ikke finnes beviser på juks». Han avsluttar med at han er skuffa over at DN ikkje synleggjer tvilen betre.